RFA မင်းဇင်နဲ့ မင်းကိုနိုင် အင်တာဗျူး (ပထမပိုင်း)
၂ဝဝ၄ နိုဝင်ဘာ ၂၂ သောတရှင်များ ခင်ဗျာ ။ ထင်ရှားလှတဲ့ ကျောင်းသားခေါင်းဆောင် ကိုမင်းကိုနိုင်ကို မြန်မာစစ်အစိုးရက နိုဝင်ဘာလ ၁၉ရက်နေ့ မနက်ပိုင်းက စစ်တွေ အကျဉ်းထောင်ကနေ ပြန်လွှတ်ပေးခဲ့ပါတယ်။ ခုလို ပြန်လည် လွတ်မြောက်လာတဲ့ ကိုမင်းကိုနိုင်ကို အာဖက်အေမှ ဦးမင်းဇင်က ဆက်သွယ် မေးမြန်းထားပါတယ်။ ဒီ ဆက်သွယ် မေးမြန်းချက်ကို အပိုင်း ၂ ပိုင်းခွဲပြီး တင်ဆက်မှာ ဖြစ်ပါတယ်။ ဒီကနေ့ ပထမပိုင်းမှာတော့ ကိုမင်းကိုနိုင်ရဲ့ ထောင်တွင်း အတွေ့အကြုံ၊ အခက်အခဲတွေကို ဖြတ်ကျော် ရင်ဆိုင်ခဲ့ပုံ၊ ကျန်းမာရေး အခြေအနေ စတာတွေကို မေးမြန်းထားပါတယ်။ ဦးမင်းဇင်ရဲ့ ဆက်သွယ် မေးမြန်းခန်း ပထမပိုင်းကို နားဆင်ကြပါ ခင်ဗျာ။
RFA - ကိုမင်းကိုနိုင် ဟာ (နအဖ) အကျဉ်းထောင်ထဲမှာ နှစ်ပေါင်း (၁၆) နှစ်နီးပါး တစ်ယောက်တည်း နေခဲ့ရတာ ဖြစ်တဲ့ အတွက်ကြောင့်မို့ မနေ့က ပြန်လွတ်မယ် ဆိုတော့ ထောင်အာဏာပိုင်တွေက ဘယ်လိုများ လာအကြောင်းကြားပါလဲခင်ဗျာ၊ အဲဒီကာလက မျှော်များ မျှော်လင့်ထားပါသလား။ ဒါမှမဟုတ် မမျှော်လင့်ပဲ ကြုံရတာလား။
(ကိုမင်းကိုနိုင်)။ ။ ကျွန်တော့် အနေနဲ့ကတော့ ရေရေရာရာ တိတိကျကျတော့ ဘာမှ မသိခဲ့ရပါဘူး။ သို့သော်လည်းပဲ အခြေအနေ အရပ်ရပ်က ကျွန်တော်တို့ မကြာခင်လေးမှာပဲ နည်းနည်း ထူးခြားမှု ရှိမယ်လို့ ဆိုတဲ့ အမှတ် လက္ခဏာမျိုးတော့ ကျွန်တော် ခံစားလိုက်ရ သလိုမျိုး ရှိပါတယ်။ အဲဒီမနက်မှာပဲ ကျွန်တော်ကို ကျွန်တော့်ရဲ့ အမျိုးသား မှတ်ပုံတင် (နံပါတ်) တောင်းပါတယ်ခင်ဗျ၊ တောင်းပြီးတော့ ဘာလုပ်ဖို့ပါလဲလို့ မေးတဲ့ အခါကျတော့ လေယာဉ် လက်မှတ် ဝယ်ဖို့ပါ တဲ့၊ အိမ်ပြန်မလို့ပါ တဲ့။ အဲဒီကျမှပဲ သိလိုက်ရပါတယ် ခင်ဗျ၊ ထူးထူး ခြားခြားတော့ ကျွန်တော့်မှာ တုန်လှုပ်သွားတာမျိုး အံ့သြသွားတာမျိုး အဲဒီလိုတော့ မရှိဘူးခင်ဗျ၊ ဒါပါပဲခင်ဗျာ။
RFA - ကိုမင်းကိုနိုင် အခုလို ပြန်လွတ်လာတဲ့အခါမှာ ကိုမင်းကိုနိုင် ကျန်းမာရေး အခြေအနေ ဘယ်လိုရှိပါသလဲ ခင်ဗျ။
(ကိုမင်းကိုနိုင်)။ ။ ကျွန်တော့် ကျန်းမာရေးက ရာနှုန်းပြည့် ဒေါင်ဒေါင်မြည် ကောင်းတယ် လို့တော့ မပြောနိုင်ဘူး ပေါ့ဗျာ။ ဘာဖြစ်လို့လဲ ဆိုတော့ လူတစ်ယောက်မှာ စိတ်ရောကိုယ်ပါ ကျန်းမာ ချမ်းသာပါမှ ဒါဟာ လူတစ်ယောက်ကို ကျန်းမာ တယ်လို့ သတ်မှတ်လို့ ရမယ် လို့ ကမ္ဘာ့ကျန်းမာရေး အဖွဲ့ချုပ်က သတ်မှတ်ထားတာ ရှိပါတယ်။ အဲဒီ အကြောင်းတွေကို ပြောရမယ် ဆိုရင်တော့ ကျွန်တော့်မှာ အထီးကျန် နေခဲ့ရတာတွေ နှစ်ပေါင်း (၁၆)နှစ် နီးပါးလောက် ရှိတော့ ကျွန်တော် စိတ်ပိုင်းဆိုင်ရာ မှာတော့ဗျာ ခံစားရတာ အနည်းအကျဉ်း ရှိပါတယ်။ ဒါပေမဲ့ ရုပ်ပိုင်းဆိုင်ရာတော့ ကျွန်တော် အတတ်နိုင်ဆုံး ကောင်းအောင်လို့ ကြိုးစားပြီး နေပါတယ်။ အဲတော့ ရာနှုန်းပြည့် မဟုတ်ဘူး ဆိုရင်တောင်မှ သာမန် လူတစ်ယောက် နီးပါးလောက်တော့ လှုပ်ရှားနိုင်ပါတယ်ခင်ဗျား။
RFA - ကိုမင်းကိုနိုင်ဟာ ထောင်ထဲမှာ နေခဲ့ရတဲ့ ကာလတွေမှာ စိတ်ပိုင်းဆိုင်ရာ အရရော ရုပ်ပိုင်းဆိုင် ရာအရရော ခက်ခဲကြမ်းတမ်းတဲ့ ညှင်းပန်းနှိပ်စက်မှုလည်း ကြုံခဲ့ရတယ်၊ တယောက်တည်းလဲ နေခဲ့ရတယ် ဆိုတော့ ဒီထောင်တွင်းကာလတွေမှာ ဒီလောက် ခက်ခဲတဲ့ ကာလတွေကို ဘယ်လိုများ ဖြတ်ကျော်ခဲ့သလဲ ဆိုတာကို ကျွန်တော်တို့ကို နည်းနည်း ရှင်းပြ ပေးပါအုံးခင်ဗျ။
(ကိုမင်းကိုနိုင်)။ ။ ဒါကတော့ဗျာ တစ်ခုသော ဘာသာရေးမှာ ခင်ဗျားတို့ ကြားဖူးမှာပေါ့ဗျာ၊ ငါဟာ တစ်ယောက်ထဲ မဟုတ် ဘုရားသခင် ရှိတယ် ဆိုတာမျိုးပေါ့ဗျာ၊ ကျွန်တော်တို့ ဒီကနေ့ ကျွန်တော်တို့ လျှောက်လှမ်းနေရတဲ့ ခရီးမှာတော့ တကယ်တော့ ဘယ်လောက်ပဲ မှောင်မဲပါစေ ဘယ်လောက်ပဲ ကြမ်းတမ်းပါစေ ကျွန်တော့်မှာ ငါတစ်ယောက်ထဲ မဟုတ်ဘူး၊ ငါ့ရဲ့ ရဲဘော် ရဲဘက်တွေ ရှိတယ်ဆိုတဲ့ ယုံကြည်ချက်နဲ့ ကျွန်တော် နေခဲ့ပါတယ် ခင်ဗျ၊ ဒါကြောင့်လည်း ဒီလောက် ရှည်ကြာတဲ့ခရီးကို ကျွန်တော် ဒီလို အနေအထားမျိုးနဲ့ ပြန်လာခဲ့တာ ဖြစ်ပါတယ်။
RFA - ကိုမင်းကိုနိုင်ဟာ ထောင်ထဲမှာ နေစဉ် ကာလ တစ်လျှောက်လုံးမှာ နိုင်ငံရေးကို စွန့်လွှတ်မယ် ဆိုရင် နောက်ကို နိုင်ငံရေး မလုပ်တော့ဘူးလို့ လက်မှတ် ထိုးမယ် ဆိုရင် ကိုမင်းကိုနိုင်ကို ပြန်လွှတ်မယ်။ ကိုမင်းကိုနိုင်က နိုင်ငံခြားကို ထွက်မယ်လို့ ဆုံးဖြတ်မယ်ဆိုရင် ပြန်လွတ်ပေးမယ်ဆိုတဲ့ စကားတွေကို ကျွန်တော်တို့ ကြားပါတယ်။ အခု ကိုမင်းကိုနိုင် ပြန်လွတ်လာတဲ့ အခါမှာ နောက်နောင်မှာ နိုင်ငံရေး မလုပ်ဘူး ဆိုတဲ့ ခံဝန်ချက် လက်မှတ်တွေကို ထိုးခဲ့ရပါသလား ခင်ဗျာ၊
(ကိုမင်းကိုနိုင်)။ ။ ဟုတ်ကဲ့ခင်ဗျား၊ ကျွန်တော့် အဖြေကို သေသေချာချာ နားထောင်စေချင် ပါတယ်။ အဲဒါက တော့ ကျွန်တော်ဟာ ထောင်ဗူးဝကို ကျွန်တော့် အခန်းကနေ ထွက်လာ ကတည်းကနေပြီးတော့ မည်သည့် လက်မှတ်ကိုမှ ရေးထိုးခြင်းမရှိခဲ့ပါဘူး။ မည်သည့် လက်မှတ် တစ်စုံတစ်ရာမှ မထိုးဘဲနဲ့ ကျွန်တော်ဟာ အိမ်ပြန် ရောက်ခဲ့ပါတယ်။
RFA - ထောင်ထဲမှာနေခဲ့ရတဲ့ ကာလတွေမှာ ဘယ်အတွေ့အကြုံတွေက ဘယ်လို အဖြစ်အပျက်တွေက ကိုမင်းကိုနိုင် စိတ်ဓါတ်ကို အခါးသီးဆုံး ဖြစ်စေတယ်၊ အဲဒီအခါး သီးဆုံး အတွေ့ အကြုံ့တွေကပြီးတော့ ကိုမင်းကိုနိုင် ဘယ်လို ရုန်းကန်ခဲ့လဲ ဆိုတာကို ဥပမာနဲ့ နမူနာ ပေးနိုင်မယ် ဆိုရင် ပေးလိုက်စေချင်ပါတယ် ခင်ဗျ၊
(ကိုမင်းကိုနိုင်)။ ။ ကျွန်တော်ဒီနေရာမှာ ယေဘုယျလောက်ပဲ ပြောချင်တယ် ခင်ဗျ၊ ဘာဖြစ်လို့လဲ ဆိုတော့ တစ်ချို့ အကြောင်းအရာတွေဟာ ကျွန်တော်တို့ ခံစားချက်ရှိပါတယ်၊ ဖြစ်ရပ်တွေ ရှိပါတယ်၊ ဇာတ်လမ်းတွေ ရှိပါတယ် ဆိုပေမဲ့ မေ့သင့် မေ့ထားရမယ့် အနေအထား မျိုးလည်း ရှိတတ်ပါတယ် ခင်ဗျ။ အဲဒါကြောင့် ကျွန်တော် ပြောချင်တာကတော့ လူတစ်ယောက် အနေနဲ့ပဲ ဆိုကြပါအုံးဗျာ၊ ကိုယ်ရေးကိုယ်တာ အကြောင်း အရာတွေနဲ့ ဆုံးရှုံးမှုတွေ အားလုံးမှာ ရှိခဲ့ပါတယ်။ ကျွန်တော်တို့လို ဘဝတူတွေ ကျွန်တော်တို့လောက် မကြာခဲ့ပေမယ့် ကျွန်တော်တို့ထက် ကြီးမားတဲ့ ဆုံးရှုံးမှုတွေ ဘဝရဲ့ အစိတ်အပိုင်းတွေ ပေးဆပ်လိုက်ရသူတွေ မြောက်များစွာ ရှိပါတယ်။ ဒါပေမဲ့ ကျွန်တော်တို့မှာ အဲဒီအချိန်မျိုးမှာ သြော် - ငါတို့ဟာ ဘဝရဲ့အစိတ်အပိုင်းတွေ ကြီးသည်ဖြစ်စေ ငယ်သည်ဖြစ်စေ ဖဲ့ပေးရုံတင် ဖဲ့ပေးခဲ့ရတာပါ။ အသက်ပါ ပေးလိုက်ရတဲ့ ရဲဘော်တွေ အင်မတန်များလှပါတယ် ဆိုတာ ကျွန်တော်တို့ ဖြေသိမ့်ပြီးတော့ ဖြတ်သန်းခဲ့ရပါတယ်။ ဒါကြောင့် ကျွန်တော် ဥပမာ အနေနဲ့တော့ မပေးပါရစေနဲ့ဗျာ၊ အားလုံးက ကိုယ်စီ ရှိကြပါတယ်၊ ကိုယ်စီ သိကြပါတယ် သက်ဆိုင်တဲ့ သူတွေ အားလုံး သိကြပါတယ်။ အမေတွေ သိကြပါတယ် ချစ်သူတွေ သိကြပါတယ် ကာယကံရှင်တွေ အားလုံး သိကြပါတယ်ဗျာ။
RFA - ကိုမင်းကိုနိုင်ဟာ ဒီထောင်ကနေ ပြောင်းလာတဲ့အခါမှာ အင်မတန်မှ ချစ်ခင်တဲ့ မိခင်ကြီးနဲ့ ဖခင်ကြီးကို ပြန်တွေ့လိုက်ရတဲ့အခါမှာ၊ မိသားစုတွေကို ပြန်တွေ့လိုက်ရတဲ့ အခါမှာ ကိုမင်းကိုနိုင် အနေနဲ့ ဘယ် လိုများ ခံစားရပါသလဲ။
(ကိုမင်းကိုနိုင်)။ ။ ကျွန်တော်တို့က တကယ်ကတော့ ဘဝကို အဆုံးထိ တွက်ထား ပြီးပြီလေ ဘာကြောင့်လဲ ဆိုတော့ (၁ဝ)ကဆိုတဲ့ ပုဒ်မကတော့ (၅)နှစ် ပြည့်ရင်လည်း ထပ်ချလို့ရတယ်။ ထပ်ပြီးတော့ ထပ်ခါ တလဲလဲ သူတို့အနေနဲ့က အရင်တုန်းကတော့ ဆွဲလို့ ရခဲ့ပါတယ်။ အဲဒါကြောင့် ကျွန်တော်တို့က အဆုံးထိ တွက်ထားတာပေါ့၊ အခုကတော့ဗျာ ကျွန်တော်တို့ ပြောရမယ် ဆိုရင်တော့၊ အမြတ် အမြတ်လို့ပဲ ဆိုကြပါစို့ဗျာ၊ အဲတော့ အဖေနဲ့အမေနဲ့ မိသားစုတွေနဲ့ ပြန်တွေ့ရတဲ့ အခါမှာ ကျွန်တော့် အဖေက တော်တော်ကြီးကို အိုစာသွားပြီဗျ ၊ ဒါပေမယ့်ဗျာ အသက် ရှင်နေသေးဆိုတာပဲ ပြန်ဖြေသိမ့်ရတာပဲဗျာ အဲဒီတော့ ကိုယ်ရေးကိုယ်တာ ခံစားချက်တွေကို ဒီအချိန်မှာ သိပ်မပြောချင်သေးဘူးဗျာ ကျွန်တော့်အပေါ်လည်း နားလည်ကြပါလို့ တောင်းပန်ပါတယ်။
အင်းဗျာ (၁၆)နှစ်တာ ခွဲခွာခဲ့ကြပြီးတော့ အခုလို ဒုတိယ အကြိမ် စကားပြောခွင့်တော့ ရခဲ့ပြီပေါ့ဗျာ အဲလိုအချိန်မှာ မင်္ဂလာပါလို့ ကျွန်တော် နှုတ်ခွန်းဆက်ချင်လှပါတယ်ဗျာ။ ဒါပေမဲ့ ကျွန်တော်ဟာ အခုကျွန်တော့်ရဲ့ ထွက်လာတဲ့ လမ်းမှာ သားပျောက်နေတဲ့ မိခင်တွေရဲ့ မျက်ရည်တွေကို တွေ့ခဲ့ရပါတယ်ခင်ဗျ၊ ယောင်္ကျား ရင့်မာကြီးတွေက ဆို့နင့်တဲ့ ရှိုက်သံကြီးတွေနဲ့ ကျွန်တော့်ကို ဖက်ပြီးတော့ ငိုတာကိုပဲ တွေ့ရပါတယ်။ ကျွန်တော် ဒီ မျက်ရည်တွေကို ကျနော် သိမ်းစေချင်လှပြီခင်ဗျ၊ ဒီမျက်ရည်တွေ ခြောက်မှ ဒီမျက်ရည်တွေ သိမ်းနိုင်မှ ကျွန်တော်အားလုံးကို မင်္ဂလာပါလို့ နှုတ်ခွန်းဆက်တာ အဓိပ္ပါယ် ရှိပါလိမ့်မယ်ဗျာ၊ အမေ့အိမ်ကို ညည့်နက်ညမှာ တံခါး လာခေါက်တဲ့ လူဟာ အလည်လွန်နေတဲ့ သားလေးပဲ ဖြစ်သင့်ပါတယ်။ သားလေးကို အမေ့ရင်ခွင်ထဲက လာပြီးတော့ ခေါ်သွားတာမျိုးတော့ မဖြစ်စေချင်တော့ပါဘူး။ ဒါပါပဲဗျာ။
ဒါကတော့ ဦးမင်းဇင်က ကျောင်းသားခေါင်းဆောင် ကိုမင်းကိုနိုင်ကို ဆက်သွယ်မေးမြန်း ထားခဲ့တာပါ။ ဒုတိယပိုင်းမှာတော့ နိုင်ငံတကာ ဖိအားတွေဟာ သူအပါအဝင် နိုင်ငံရေးအကျဉ်းသားတွေကို ဘယ်လို အကျိုးများစေခဲ့တယ်၊ တိုင်းပြည်မှာ အမျိုးသား ရင်ကြားစေ့ရေး ဖြစ်ပေါ်ရေးနဲ့ ပတ်သတ်တဲ့ ကိုမင်းကိုနိုင်ရဲ့ သဘောထားတွေကို ဆက်လက် ထုတ်လွှင့်မှာမို့ နားဆင်ကြပါခင်ဗျာ။
RFA မင်းဇင်နဲ့ မင်းကိုနိုင် အင်တာဗျူး (ဒုတိယပိုင်း)
၂ဝဝ၄ နိုဝင်ဘာ ၂၃ RFA - ကိုမင်းကိုနိုင် ပြန်လည်လွတ်မြောက်ရေး အတွက် နိုင်ငံတကာမှာ ရှိတဲ့ လူ့အခွင့်အရေး အဖွဲ့တွေ၊ နိုင်ငံတကာမှာ ရှိတဲ့ အစိုးရတွေ၊ တက်ကြွ လှုပ်ရှားတဲ့ အင်အားစု အသီးသီးကနေပြီးတော့ အမျိုးမျိုး ဖိအားတွေ ပေးကြတယ်၊ ဝိုင်းဝန်းပြီး အရေးဆိုပေးကြတယ်။ ကိုမင်းကိုနိုင် ကိုလဲ အင်မတန်မှ ဂုဏ်သိက္ခာရှိတဲ့ ဆုတွေ ဘွဲ့တွေ ချီးမြှင့်ကြတာဖြစ်ပါတယ်။ အဲဒီတော့ ဒီနိုင်ငံတကာက ကိုမင်းကိုနိုင် လွတ်မြောက်ရေးနဲ့ ပတ်သက်ပြီးတော့ ဝိုင်းဝန်း အရေးဆိုမှုတွေ ဖိအားပေးမှုတွေ ကူညီမှုတွေဟာ ဘယ်လိုများ အကျိုး ရှိစေပါသလဲ။ ဒီလိုမျိုး ကူညီမှုတွေဟာ ကိုမင်းကိုနိုင် အပါအဝင် အခြား နိုင်ငံရေး အကျဉ်းသားတွေကို ဘယ်လိုများ အကျိုးကျေးဇူး ရှိစေတယ် ဆိုတာ ကျနော်တို့ကို ရှင်းပြပေးပါခင်ဗျာ။
(ကိုမင်းကိုနိုင်)။ ။ဒီလိုရှိတယ်ဗျာ။ ကျနော်တို့ဟာ အထဲမှာ နေရတယ်ဆိုတဲ့ အနေအထားမှာ အပြင်က ကျနော်တို့ကို အားပေးတယ်၊ ထောက်ခံတယ်၊ ကျနော်တို့အတွက် ဝိုင်းဝန်းပြီးတော့ တက်စွမ်းသမျှ အလုပ်ပေးနေကြတယ် ဆိုတာကို ကျနော်တို့က ဟိုးအဝေးကြီးမှာ မြင်နေရတဲ့ မီးရောင်လေးကို ဆောင်းတွင်း ရေခဲနေတဲ့ မြစ်ထဲမှာ ဆင်းပြီးတော့ စိမ်နေရတဲ့လူက လှမ်းကြည့်ပြီးတော့ မြင်ယောင်ပြီးတော့ ခံစားရသလို ခံစားရတာပါဗျာ။ ကျနော်တို့ တိုက်ရိုက် ထိတွေ့ ခံစားတာမျိုး မရခဲ့ပါဘူး။ ဒါပေမယ့် အဲလောက် ကျနော်တို့ အာရုံလေးနဲ့ လှမ်းပြီးတော့ မမှီမကမ်း ခံစားရတာနဲ့တင် ကျနော်တို့ လုံလောက်ခဲ့ပါတယ်။ အဲဒီအတွက် ကျေးဇူး ဘယ်တော့မှ မမေ့ပါဘူး။ အားလုံး သက်ဆိုင်တဲ့ ကျနော်တို့အတွက် အားထုတ် ကြိုးပမ်းခဲ့သူ အားလုံးကို ကျေးဇူးတင်ပါတယ်လို့ တဆင့် ပြောပေးပါဗျာ။
RFA - ဟုတ်ကဲ့ခင်ဗျာ။ ဒေါ်အောင်ဆန်းစုကြည် အပါအဝင် ပေါ့လေ ဘဝတူနိုင်ငံရေး အကျဉ်းသားတွေ သူတို့ ပြန်လည်လွတ်မြောက်ရေး အတွက်ရော ကိုမင်းကိုနိုင်အနေနဲ့ ဘယ်လိုများ ပြောဆိုလိုပါသလဲ ခင်ဗျာ။
(ကိုမင်းကိုနိုင်)။ ။သြော် ဟုတ်ကဲ့။ ဒီလိုတော့ ရှိပါတယ် ခင်ဗျ။ ကျနော်တို့ဟာ ဒီအလုပ်ကို စပြီးတော့ လုပ်လာကြပြီ ဆိုကတည်းက ကျနော်တို့ ကျောင်းသား အားလုံးဟာ လူပုဂ္ဂိုလ်စွဲ လုံးဝ မထားခဲ့ပါဘူးခင်ဗျ။ အဲဒီတော့ လူပုဂ္ဂိုလ်စွဲ မထားခဲ့ဘူးဆိုတော့ မည်သူမည်ဝါ တဦးတယောက် အတွက်မျှလည်း ရည်ရွယ်ပြီးတော့ လုပ်ဆောင်ခဲ့တာ မဟုတ်ပါဘူး။ ဒါပေမယ့် အခုလို ကာလရှည်ကြီး တခုက မှတ်ကျောက် တင်ပြီးသွားတဲ့ အခါမှာ အခုလို အချိန် ရောက်လာပြီဆိုတော့ လူပုဂ္ဂိုလ်အလိုက် နာမည်တွေကို ကျနော်တို့ ရွတ်ဆို ဖေါ်ပြလို့သင့်ပြီ ဆိုတဲ့ အနေအထားမျိုး ရောက်နေပြီလို့ ကျနော် ယုံကြည်ပါတယ်။ အဲဒီတော့ ဒေါ်အောင်ဆန်းစုကြည်၊ ဦးတင်ဦး အစ ရှိသဖြင့်ပေါ့ဗျာ သူတို့ အပါအဝင် အားလုံး ခေါင်းဆောင်များရော၊ အညတရ ရဲဘော်များရော အားလုံးစုံညီ လွတ်မြောက်လာတဲ့ အခါမှ ကျနော်တို့ မျှော်လင့်နေကြတဲ့ အကြောင်းအရာ တခုကို သွားလို့ ရပါလိမ့်မယ်။ အဲဒီ မျှော်လင့်နေတဲ့ အကြောင်းအရာက ဘာလဲ ဆိုတာလဲ လူကြီးမင်း ရိပ်မိကောင်း ရိပ်မိပါလိမ့်မယ်။
RFA - နှစ်ပေါင်းများစွာလဲ ခါးသီးတဲ့ အတွေ့အကြုံတွေ ဖြတ်သန်းခဲ့ရတယ်၊ ကြမ်းတမ်းတဲ့ ဘဝတွေကို ကြုံခဲ့တယ် ဆိုတော့ ဒီအပေါ်မှာ စိတ်ထဲမှာ နာကြည်းမှု၊ ခွင့်မလွတ်နိုင်မှုတွေများ ရှိပါသလား။ အဲတော့ ဒီ ကိုမင်းကိုနိုင် အနေနဲ့ပေါ့လေ ပုဂ္ဂိုလ်ရေး ခံပြင်းမှု ခံစားချက်က နေပြီးတော့ တိုင်းပြည်ရဲ့ အနာဂတ် ရင်ကြားစေ့ရေး အထိကို ဘယ်လိုရှုမြင်တယ် ဆိုတာ ကျနော်တို့ကို နည်းနည်း ရှင်းပြပေးပါဦး။
(ကိုမင်းကိုနိုင်)။ ။ တခါတရံ ကျနော်တို့ဟာ မညီညာတဲ့ လမ်းတွေကို ကျနော်တို့က ဖြည့်ပြီးတော့ ခင်းရတာမျိုး ရှိပါတယ်။ ကျနော်တို့ ချိုင့်ဝှမ်းတွေနဲ့ တွင်းတွေနဲ့ ပြည့်နေတဲ့ လမ်းကို လျောက်ကြရတဲ့ အခါမှာ ကျနော်တို့ဟာ ထိုက်သင့်တဲ့ ပေးဆပ်မှုတွေနဲ့ ရင်းပြီးတော့ ဖို့ပြီးတော့ ကျနော်တို့ လမ်းကို ဖေါက်ရတာ ရှိပါတယ်။ အဲဒီအခါမှာ ကိုယ်ရေးကိုယ်တာဆိုတဲ့ အကြောင်းအရာတွေ ဆုံးရှုံးမှုဆိုတဲ့ နေရာမှာတော့ ကျနော်တို့ အချို့သော အရာတွေကို လမ်းခင်းလိုက်ရပြီလို့ သဘောထားလိုက်တာဟာ တခါတရံမှာ အင်မတန် သင့်မြတ်တဲ့ ပုံစံမျိုး ရှိနေတတ်ပါတယ် ခင်ဗျ။ အဲဒါကြောင့်မို့လို့ ကျနော်တို့ ဒီနေ့ မျှော်လင့်နေကြတဲ့ အမျိုးသား ပြန်လည် ရင်ကြားစေ့ရေး ဆိုတာဟာ တကယ်တော့ ကျနော် ခုနက တင်ပြ ခဲ့သလိုပါပဲ လူ ပုဂ္ဂိုလ် အမည်တွေနဲ့ အပါအဝင်ပေါ့ဗျာ၊ အားလုံး ခေါင်းဆောင်တွေ ရဲဘော်တွေ စုံညီတဲ့ အခါကြမှ ဒီ အမျိုးသား ပြန်လည် ရင်ကြားစေ့ရေး ဆိုတာ မျှော်လင့်စကောင်းတဲ့ အရာ ဖြစ်လာပါလိမ့်မယ်။ တကယ်တော့ဗျာ၊ အားလုံးပေါ့ဗျာ ကမ္ဘာမှာရော ကျနော်တို့ နိုင်ငံက ပြည်သူတွေရော အားလုံး မျှော်လင့်နေတဲ့ ဒီ အမျိုးသား ပြန်လည် ရင်ကြားစေ့ရေး ဆိုတာဟာ လုပ်ယူလို့ရတဲ့ အရာပါဗျ။ ဖန်တီးလို့ရတဲ့ အရာပါ။
ခံစားမှုကို ရှေ့တန်း မတင်ဘဲနဲ့ အမျှော် အမြင် ကြီးမှုနဲ့ ကျနော်တို့ ရင့်ကျက်မှုသာ လိုပါတယ်လို့ ကျနော် ယုံကြည် ပါတယ် ခင်ဗျာ။
RFA - အဖမ်းခံရတုန်းက ၂၆နှစ်သားပဲ ရှိပါသေးတယ်။ အခုဆိုရင် ကိုမင်းကိုနိုင် အသက်ကလဲ ၄၂နှစ် ဝန်းကျင်ဖြစ်လာပါပြီ။ ၂၆ နှစ်သား ကိုမင်းကိုနိုင်နဲ့ ၄၂နှစ် သား ကိုမင်းကိုနိုင် ကြားထဲမှာ ထောင် ၁၆ နှစ် အတွေ့အကြုံက ဘာတွေကို အကွာခြားကြီး ကွာခြားစေခဲ့ပါသလဲ။
(ကိုမင်းကိုနိုင်)။ ။ဟာ ဟား -- ဒီလိုပေါ့ဗျာ။ သာမန်လူ တယောက်နဲ့ အကျဉ်းသား ဘဝနဲ့ ဆိုတာ မတူကြပါဘူးဗျ။ ဆိုလိုတာကတော့ဗျာ သာမန်လူတွေ အမှုမဲ့ အမှတ်မဲ့ ဖြတ်ကျော်သွားရတဲ့ ကာလကို အကျဉ်းသားတွေဟာ လေးလေး လံလံကြီး ဖြတ်ကျော်သွားရတဲ့ သာဓကမျိုး ရှိပါတယ်ခင်ဗျ။ အဲဒီတော့ဗျာ ဆိုလိုတာကတော့ဗျာ ခရီးကြမ်းနဲ့ ခရီးချောပေါ့ဗျာ။ အချိန်ချင်း တူမယ် ဆိုပေမယ့် ကျနော်တို့ ခရီးကြမ်းကို လျောက်ရတဲ့ လူက ရုပ်ပိုင်းဆိုင်ရာ စိတ်ပိုင်းဆိုင်ရာ အားဖြင့်တော့ ပိုမိုပြီးတော့ ရင့်ရော်သွားစေပါတယ်။ ဒါပေမယ့် ကျနော်တို့က ဒီနေရာမှာတော့ စိတ်ဓါတ် ရေးရာကိုတော့ ရင့်ရော်သွားတယ်လို့ ကျနော်တို့ မယူတော့ဘဲ ရင့်ကျက်သွားပါစေလို့ ကျနော်တို့က ကိုယ့်ကိုယ်ကို အားတင်းပါတယ်ခင်ဗျ။ အဲဒီတော့ ဘာပဲဖြစ်ဖြစ်ပေါ့ဗျာ ငါဟာအရင် ထက်တော့ ရင့်ကျက်လာရမယ် လို့ ကျနော်တို့ အားလုံး ခံယူထားပါတယ်ခင်ဗျ။
RFA - အခြား ကိုမင်းကိုနိုင် ဖြည့်စွက်ပြီးတော့ပေါ့လေ မြန်မာပြည်သူ လူထုကို နိုင်ငံတကာက ပြည်သူတွေကို ဘာများ အမှာစကား ပါးချင်ပါသလဲ ခင်ဗျာ။
(ကိုမင်းကိုနိုင်)။ ။သြော် ဟုတ်ကဲ့ခင်ဗျာ။ ကျနော်တို့ ဒီမိုကရေစီရေး အတွက် လှုပ်ရှားခဲ့ရတဲ့ ခရီးရှည်ကြီး တလျောက်ပေါ့ဗျာ အဲဒီထဲမှာ ကျနော်တို့ဗျာ ခြောက်အိပ်မက်တွေလဲ မက်ခဲ့ပြီးပါပြီဗျာ။ ရောင်နီလေး သမ်းလာလိုက်၊ မိုးမလင်းသေးဘူး ပြန်အိပ်ဦး ဆိုပြီးတော့ အိပ်မက်ဆိုးတွေကို ဆက်ပြီးတော့ မက်လိုက်၊ တော်ကြာနေလို့ ရှိရင် ရောင်နီလေး သမ်းသလိုလို ရှိလာလိုက် သံသရာ ရှည်ခဲ့ပါပြီဗျာ။ အခုတခါတော့ ကျနော် ထွက်လာတဲ့ အခါမှာ လူတွေရဲ့ မျက်နှာမှာ တကယ်ပဲ ရောင်နီသမ်းလာပြီ မျှော်လင့်တဲ့ မျက်နှာတွေကို ကျနော် ဖတ်ရှုရပါတယ် ခင်ဗျ။ အဲဒီတော့လူတွေ အားလုံးရဲ့ မျော်လင့်ချက်ကို ကျနော်တို့ အားလုံးဟာ ဖြည့်ဆည်းနိုင်ပါစေ လို့ ကျနော်က မျှော်လင့်နေပါတယ်ခင်ဗျာ။ ။
No comments:
Post a Comment