ဒီဗွီဘီ
မင်းကိုနိုင်နဲ့ အင်တာဗျူး
တနင်္ဂနွေ သတင်းအစီအစဉ်အဖြစ် စစ်အစိုးရထောင်တွေထဲမှာ ၁၆နှစ် နီးပါးကြားနေခဲ့ရတဲ့ ကျောင်းသား ခေါင်းဆောင် မင်းကိုနိုင်နဲ့ မေးမြန်းချက်ထဲက ပထမအပိုင်းကို ထုတ်လွှင့်ပေးသွားမှာ ဖြစ်ပါတယ်။ ထောင်တွင်း အိပ် မက်ဆိုးက နိုးထလာချိန်မှာ óကံတွေခံစားခဲ့ရတာတွေကို အနုပညာပိုးပါသူပီပီ နူးညံ့တဲ့ ခံစားချက် အမြင်တွေနဲ့ ပြော ပြထားတာတွေကို နားစဉ်ရမှာ ဖြစ်ပါတယ်။ ကိုမိုးအေးက မေးမြန်းခဲ့တာပါ။
ကိုမိုးအေး။ ။ ဟုတ်ကဲ့ ကိုမင်းကိုနိုင် ကျနော် နော်ဝေး ဒီမိုကရက်တစ် မြန်မာ့အသံက ခေါ်တာပါ။
ကိုမင်းကိုနိုင်။ ။ ဟုတ်ကဲ့ခင်ဗျား။
ကိုမိုးအေး။ ။ နေကောင်းလား မသိဘူးခင်ဗျ။
ကိုမင်းကိုနိုင်။ ။ ဟုတ်ကဲခင်ဗျာ၊ ကောင်းပါတယ်။ ကောင်းတယ်ဆိုတော့ဗျာ ကျန်းမာရေးကတော့ အပြည့်အစုံ ကြီးတော့ မဟုတ်ဘူးပေါ့။ ဒါပေမယ့် ကျန်းမာရေးကောင်းအောင်တော့ ကြိုးစားပြီးတော့ နေပါတယ်။ မျက်လုံးပူနေ တာတို့ ဘာတို့တော့ ရှိတာပေါ့ဗျာ။ ကိုယ်လေးနည်းနည်းပူနေတယ်။ မျက်လုံးပိုင်းမှာ ကြည့်ရတာ သိပ်မကောင်းဘူး။ ဒါပေမယ့် မျက်လုံး ထိခိုက်တာတော့ မဟုတ်ပါဘူး။
ကိုမိုးအေး။ ။ ဟုတ်ကဲ့ခင်ဗျ။
ကိုမင်းကိုနိုင်။ ။ နော်ဝေး ဒီမိုကရက်တစ်မြန်မာ့အသံ ဆိုတော့ တိုက်တိုက်ဆိုင်ဆိုင်ဗျာ ဘယ်လိုနှုတ်ခွန်းဆက်ရ ကောင်းမလဲဆိုတော့၊ ဒီလိုဗျ၊ ကျနော် ထောင်ထဲမှာ နေခဲ့တုန်းကလေ ဘာမှလည်း ဖတ်ဖို့လည်းမရ၊ ပြုလို့လည်းမရ အဲ့လိုပဲ (၁ဝ)နှစ်လောက်ကြီး နေခဲ့ရတုန်းကဆိုရင် ဖတ်စရာ ဘာမှမရှိတဲ့အခါကျတော့ဗျာ တယောက်တည်း ပျင်း တော့ မနေနိုင်ဘူးဗျ၊ အဲ့တော့ ကျနော် နောက်ဆုံးတော့ ဆေးလိပ်သောက်ရင်းနဲ့ ဆေးလိပ်တိုလေးတွေကို ကြည့်လိုက်တော့ ဆေးလိပ်တို အစီခံလေးတွေမှာလေ သတင်းစာ ဖြတ်ပိုင်းလေးတွေနဲ့ လိပ်ထားတာတွေ့တယ်ဗျ။ အဲ့လို တွေ့တော့ အဲ့ဒီသတင်းစာ ဒါဆိုရင်တော့ ဖတ်စရာပဲကွာ ဆိုပြီးတော့ ဖတ်ဖို့ကြည့်လိုက်တော့ သတင်းစာတော့ သတင်းစာပဲ။ အဲ့မှာ မျက်နှာကြီးတခု တွေ့တယ်။ နောက်ပုံပေါ့ဗျာ၊ စာတော့သိပ်မတွေဘူး။ နောက်တလိပ်ကုန်ပြန် တော့လည်း ဒီမျက်နှာ၊ နောက်တလိပ် ကုန်ပြန်တော့လည်း ဒီမျက်နှာ၊ အဲ့ဒါနဲ့ တခါကျတော့ ကံအားလျော်စွာ သတင်းစာရဲ့ ဖြတ်ပိုင်းလေးတခု တွေ့လိုက်တယ်။ အဲ့ဒီသတင်းစာ ဖြတ်ပိုင်းမှာ ဘာလဲဆိုတော့ အဲ့ဒါက နော်ဝေးနိုင်ငံ မှာတဲ့ အမျိုးသမီးတယောက်ဟာ လယ်သမားတယောက်ကောက်ရတဲ့ ငှက်ဥကြီး ကြီးကြီး တလုံးကိုတဲ့ ရလိုက်ပါတယ် တဲ့။ အဲ့ဒါနဲ့ အဲ့ဒီအမျိုးသမီးကြီးက ကြည့်လိုက်တဲ့ အခါကျတော့ အော် ဒါဟာ ပေါက်နိုင်သေးတဲ့ ငှက်ဥပါလားဆိုတာ သိသွားတယ်ခင်ဗျ။ အဲ့ဒါနဲ့ သူက ဘယ်လိုလုပ်ပြီးတော့ ဒီငှက်ကို ပေါက်လာအောင် လုပ်ရပါ့မလဲဆိုတော့ ကြံရာမရ တဲ့အဆုံးမှာ သူဟာ သူ့ရဲ့ ရင်ငွေ့ကြားထဲမှာ ထားလိုက်ပြီးတော့ ဒီငှက်ကလေးကို ပေါက်အောင် ငါ ရင်ငွေ့ပေးမယ်။ ပြီးလို့ရှိရင် ပေါက်လာတဲ့ ငှက်ကလေးကို အသက်ရှင်အောင် ပြုစုဖို့ ဆုံးဖြတ်လိုက်ပါတယ်ဆိုတဲ့သတင်းလေးကို ဖတ် လိုက်ရတယ်ဗျ။ အင်မတန် သတင်း ငတ်မွတ်ပြီးတော့ ဒီလိုလေး ကြားလိုက်ရတယ်ဆိုတော့ ခါးသက်တဲ့အတွေ့အကြုံတွေ အကြားမှာ ဒါလေးကို ကြားလိုက်ရတော့ သြော် လူဆိုတာ ဒီလိုလည်း ရှိပါလား၊ ငါမေ့နေလို့ပါလားလို့ ကျနော် ခံစားလိုက်ရတယ်ဗျ။ အဲ့ဒါလေးက ကျနော်နဲ့ နော်ဝေးနဲ့ ပတ်သက်နေတဲ့အကြောင်းလေးပေါ့ဗျာ။
နော်ဝေးနိုင်ငံက အကြောင်းလေးဆိုတော့ ဒါဟာ နော်ဝေးနိုင်ငံက ကျနော့်ကို နှုတ်ခွန်းဆက်တဲ့အချိန်မှာ ဒီဟာလေးကို သတိရပြီး တော့ ပြန်ပြီးတော့ မင်္ဂလာပါလို့ ကျနော် နှုတ်ခွန်းဆက်ပါတယ်။
ကိုမိုးအေး။ ။ ဟုတ်ကဲ့ခင်ဗျ၊ ကျေးဇူးအများကြီးတင်ပါတယ်။ အဲ့တော့ ကိုမင်းကိုနိုင် အခုပြန်လွတ်လာပြီးပေါ့ နော်။ ကိုမင်းကိုနိုင် (၁၆)နှစ်ကြာ ပြင်ပကမ္ဘာနဲ့ အဆက်ပြတ်ပြီး ပြန်လွတ်လာတယ်ဆိုတော့ ဒီ (၁၆)နှစ်တာ ကာလ အတွင်း ကိုမင်းကိုနိုင် ဒီ ထောင်ထဲကိုမသွားခင်နဲ့ ဒီ ထောင်ကနေပြန်လွတ်လာတဲ့ ဒီ (၁၆)နှစ်တာ ကာလအတွင်းမှာ ဘာတွေ သိသိသာသာ ထူးခြားမှု၊ ပြောင်းလဲမှုတွေကို ကိုမင်းကိုနိုင် သတိပြုမိလဲ မသိဘူး။
ကိုမင်းကိုနိုင်။ ။ ဟုတ်ကဲ့ ဟိုဟာပေါ့လေ။ ရုပ်ဝတ္တုတွေ အဆောက်အအုံတွေပေါ့လေ။ အဆောက်အအုံကြီးကြီး တွေ၊ အဆောက်အအုံကောင်းကောင်းတွေ တွေ့ရပါတယ်။ တချို့ဆိုလို့ရှိရင် မျက်စိကို လည်သွားတာပေါ့ဗျာ။ ဒီနေရာ ဟုတ်ရဲ့လား၊ အရင်က ဒီနေရာမှာ ဒါရှိတယ်။ အခုတော့ ဒီလိုမဟုတ်ပါလား၊ တော်တော်ကို မျက်စိလည်တယ်ဗျ။ ဒါ ပေမယ့် အဆောက်အအုံတွေ တချို့မှာ ဆိုရင် ဥပမာ တချို့နေရာတွေမှာ အတူသွားတဲ့သူတွေက သတိပေးတယ်ဗျ။ ဥပမာ ဆိုရင်ဗျာ။ တည်းခိုခန်းဆိုတဲ့ ဆိုင်းဘုတ်မျိုးပေါ့ဗျာ၊ အဲ့တော့ တည်းခိုခန်းဆိုရင် နှာခေါင်းပိတ်ထား ဆိုပြီးတော့ ကျနော့်ကိုပြောတယ်။ ဘာဖြစ်လို့လဲဆိုတော့ မီးဖိုချောင်ရှိလိုလား၊ သား၊ ငါးတွေ ခုတ်ထစ်နေလို့လား။ မဟုတ်ဘူးဗျ။ သူတို့က ညှီနံ့နံတယ်လို့ပြောတယ်ဗျ။ အဲ့ဒါနဲ့ ကျနော်လည်း အနားဖြတ်သွားတော့ နှာခေါင်းပိတ်ပြီးတော့ သွားခဲ့ ရတယ်ဗျ။ အဲ့လိုနဲ့ နားမလည်တာတွေတော့ ကျနော်ရှိတယ်ဗျ။ အဲ့လောက်ပါပဲဗျာ။ အဲ့လောက်ဆိုရင်တော့ သိပါလိမ့် မယ်။ နောက်နေ့တော့ ဘာတွေ တွေ့အုံးမလဲ မသိဘူးဗျာ။
ကိုမိုးအေး။ ။ ဟိုဟာ ကိုမင်းကိုနိုင်စကားနဲ့ဆိုရင်တော့ အိပ်မက် ကမ္ဘာက လန့်နိုးထားတဲ့အနေအထားပဲ ရှိသေးတာပေါ့၊ ဒီလိုပေါ့။
ကိုမင်းကိုနိုင်။ ။ ဒီလိုပေါ့ဗျာ။ အိပ်မက်ကမ္ဘာကလန့်နိုးတော့လည်း အိပ်မက်ဆန်ဆန်။
ကိုမိုးအေး။ ။ အဲ့တော့ အခုဒီပေါ့ အိပ်မက်ကမ္ဘာက ပြန်လန့်နိုးလာတယ်ဆိုတော့ ကျနော်တို့ ဒီအိပ်မက်ကမ္ဘာ မနိုးခင်ရက်အထိ ကိုမင်းကိုနိုင်ရဲ့ တကယ် ဒီအမှောင်အမိုက်တွေ၊ အိပ်မက်ကမ္ဘာအကြောင်းလေး ပြန်မေးချင်လို့ခင်ဗျ။ အခု ဒီဟာပေါ့ ကိုမင်းကိုနိုင်ကို ဖမ်းတုန်းက ၁၉၈၉ ခုနှစ်က ဖမ်းတုန်းက ဘယ်လိုမျိုးဖမ်းလဲ၊ ဘယ်လိုမျိုးစွဲချက် တွေနဲ့ချလဲ။ အဲ့ဒါလေးတွေကော ကိုမင်းကိုနိုင်ပြန်ပြောပြလို့ ရမလားခင်ဗျ။
ကိုမင်းကိုနိုင်။ ။ ၁ဝ (က)နဲ့ ကျနော်ကို သုံးနှစ်နီးပါး ထိန်းသိမ်းပြီးသွားတဲ့အခါမှာ တနေ့မှာ အခန်းထဲကနေပြီး တော့ မျက်စိပိတ်ပြီးတော့ ခေါ်သွားပါတယ်။ မျက်စိဖွင့်လိုက်တဲ့နေရာမှာ စစ်ခုံရုံးထဲကို ကျနော် ရောက်နေပါတယ်။ အဲ့ ဒီစစ်ခုံရုံးက နေပြီးတော့ ကျနော့်ကို ဒါတွေ ဒါတွေ လုပ်ခဲ့တယ်မဟုတ်လား မေးပါတယ်။ ကျနော်ကလည်း ဟုတ်တယ်။ ဒါတွေ ကျနော် အတိအကျ လုပ်ခဲ့ပါတယ်။ ဒီထက် လုပ်ခဲ့တာတွေလည်း ရှိပါသေးတယ်။ သူတို့က ဒီလောက်နဲ့ လုံ လောက်ပြီ။ အဲ့ဒါနဲ့ ကျနော်ကို တရားစွဲဖို့ ပြင်ပါတယ်။ တရားစွဲတာကတော့ ပုဒ်မ ၁၂၄ ပေါ့ဗျာ။ နိုင်ငံတော်အစိုးရကို အကြည်ညို ပျက်အောင် လှုံ့ဆော်၊ ရေးသား၊ ဟောပြောမှုဖြစ်ပါတယ်။ အဲ နောက်ပုဒ်မတခုကတော့ ၁၉၆၂ ခုနှစ် ပုံနှိပ် အက်ဥပဒေနဲ့ပါ။ အဲ့ဒါကတော့ ကျနော်တို့ ကျောင်းသားသမဂ္ဂက နေပြီးတော့ သမဂ္ဂသတင်းစာကို ထုတ်တဲ့ အပြစ်ပါ၊ နောက်ပြီး စီစစ်ရေးကို မတင်လို့ပါ တဲ့။ အဲ့ဒီနှစ်ချက်နဲ့ ကျနော်ကို တရား စွဲဆိုခဲ့ပါတယ်။ ပြီးတဲ့အခါမှာ ပြစ်ဒဏ် နှစ်ခု ပေါင်းလိုက်ပြီတော့ ထောင်ဒဏ် (၁၅)နှစ် ကျခံစေလို့ ချခဲ့ပါတယ်။ အဲ့ဒါပါပဲခင်ဗျ။
ကိုမိုးအေး။ ။ ဟုတ်ကဲ့ခင်ဗျ။ အဲ့တော့ ကျနော်တို့ သိသလောက် ထောင်ဒဏ်ပြစ်ဒဏ်ကို စေ့ပြီးတော့ (၁၅) နှစ်ကနေ (၁ဝ)နှစ် ပြည့်သွားတယ်ပေါ့နော်။ (၁ဝ)နှစ်ပြည့်ပြီး ပုဒ်မ ၁ဝ(က)တပ်တယ် ကြားတယ်လေ။ ပုဒ်မ ၁ဝ(က) တပ်တုန်းကကော ကိုမင်းကိုနိုင် ဘယ်လိုဖြစ်မိလဲ။ စိတ်ထဲမှာ။
ကိုမင်းကိုနိုင်။ ။ ၁ဝ (က)ကတော့ဗျာ။ ဆိုလိုတာကတော့ သူတို့က နှစ်ပြည့်သွားတဲ့နေ့မှာ အဲ့ဒီအချိန်မှာ ရှိခဲ့တဲ့ ထောင်ပိုင်ကြီးက ကျနော်ဆီမှာ ရောက်လာပြီးတော့ ဒီနေ့ဟာဖြင့်ရင်တော့ ပစ်ဒဏ်ကတော့ ပြည့်ပါပြီ။ လွတ်တဲ့နေ့ ပါပဲ။ သို့သော်လည်းပဲ ပုဒ်မ ၁ဝ(က)နဲ့ ပြန်ပြီးတော့ ထိန်းသိမ်းလိုက်တယ်လို့ စာရောက်လာပါတယ်။ ဒီလိုပဲ ပြော တယ်။ ဒါကို ဘယ်လိုမြင်သလဲ၊ ဘယ်လို ထင်သလဲလို့ ပြောရင်တော့ သူတို့အနေနဲ့ ဒီဥစ္စာ ကျနော့်ကို အပြင်မှာထား ရင် သူတို့အတွက် အန္တရာယ် ရှိတယ်လို့ အဲ့ဒီအချိန်က လူတွေက ယူဆခဲ့ပုံရပါတယ်။ ကျနော် ဒီလောက်ပဲ ခန့်မှန်း နိုင်တယ်။
ကိုမိုးအေး။ ။ ဟုတ်ကဲ့၊ နောက်ပြီးတော့ ကျနော်တို့ သိသလောက် ကိုမင်းကိုနိုင်လေ အင်းစိန်ထောင်ကနေပြီး တော့ စစ်တွေထောင်ကို ပြောင်းတယ်ပေါ့လေ။ ဘာကြောင့် စစ်တွေထောင်ကို ၊ မိသားစုနဲ့ဝေးတဲ့ စစ်တွေထောင်ကို ဘာကြောင့် ပြောင်းလိုက်တယ်လို့ ကိုမင်းကိုနိုင်သုံးသပ်မိလဲ၊ အဲ့ဒီအချိန်က။
ကိုမင်းကိုနိုင်။ ။ ဟုတ်ကဲ့၊ အဲ့ဒါကတော့ဗျ၊ ကျနော်လည်း ဘယ်လိုမှ စဉ်းစားလို့မရဘူးဗျ။ ဆိုတာကတော့ဗျာ ကျနော့်အတွက် ဘာ ထူးထူး ခြားခြား ပြောင်းလဲသွားလဲ ဆိုတော့ မိသားစုနဲ့တော့ ဝေးသွားတာပေါ့ဗျာ။ စစ်တွေဆိုတာ ကတော့ သိတဲ့အတိုင်းပဲဗျာ။ ရန်ကုန်မှာရှိတဲ့ အင်းစိန်လို သူများလို တလကို နှစ်ခေါက် မလာနိုင်တော့ဘူးပေါ့ဗျာ။ တနှစ်လုံးနေမှ တခေါက်လောက် အလွန့်အလွန်ဆုံး နှစ်ခေါက်လောက်မှ လာနိုင်တော့တာပေါ့ဗျာ။ ခရီးစရိတ်ကော၊ သွားရလာရတာ ခက်ခဲတာကော၊ ကျနော့်မိသားစုတွေက အင်မတန် အခက်အခဲဖြစ်သွားတာပေါ့ဗျာ။ ကျနော်နဲ့ ထောင်နဲ့က အဲ့ဒီကာလမှ ဘာပြဿနာမှ မပေါ်ခဲ့ဘူးဗျ။ ဘာမှလည်း မသိလိုက်ရဘူး။ ဒီလိုပဲဗျ၊ အဝတ်အစားတွေ သိမ်းပါဗျာတဲ့၊ ကျနော်ကတော့ လွတ်ရင် ဘာတခုမှ မယူသွားဘူးလို့ စဉ်းစားထားတာလေ။ အဲ့ဒီတော့ ယူစရာမလိုဘူး ထင်တယ်လေ ဒါ ဘာလုပ်မလို့လဲ ဆိုတော့၊ သူက အဲ့ဒါ ထောင်ပြောင်းရမယ်တဲ့၊ ဘယ်လဲဆိုတော့ မပြောဘူးဗျာ။ အဲ့ဒါ နဲ့ ကျနော် လေယာဉ်ပေါ် တက်လိုက်လာပြီး နောက်ဆုံးကျတော့ စစ်တွေကို ရောက်သွားတာပဲ။ ကျနော်ကိုယ်တိုင်း လည်း ဘာကြောင့်လဲ ဆိုတာ မသိခဲ့ရပါဘူး။ အဲ အဲ့ဒီကာလတုန်းက အုပ်စု ညွှန်ကြားရေးမှူး ရောက်လာတဲ့အခါ မှာ ကျနော် မေးပါတယ်။ ဘာကြောင့် ထောင်ပြောင်းလိုက်တာလဲ ဆိုတော့ ဒီကို ပို့လိုက်တာလဲ ဆိုတော့ သူလည်း မသိပါဘူးတဲ့၊ အဲ့လို ဖြေခဲ့တာပါပဲ ခင်ဗျ။
ကိုမိုးအေး။ ။ ဟုတ်ကဲ့၊ အဲ့တော့ အင်းစိန်ထောင်မှာ ဘယ်နှစ်နှစ်၊ စစ်တွေထောင်မှာ ဘယ်နှစ်နှစ် အဲ့ဒါကော ကိုမင်းကိုနိုင် မှတ်မိသေးလားခင်ဗျ။
ကိုမင်းကိုနိုင်။ ။ အင်းစိန်ထောင်မှာ ကျနော်ဟာ ၁၉၈၉ခု မတ်လ (၂၃)ရက်နေ့က စပြီးတော့ နေခဲ့ရပါတယ်။ အဲ့ ဒီကနေ့စပြီးတော့ ကျနော် ဟိုကို ၁၉၉၈ခု မေလ တတိယပတ်လောက်မှာ ကျနော် စစ်တွေထောင်ကို ပြောင်းခဲ့ရပါ တယ်။
ကိုမိုးအေး။ ။ ဟုတ်ကဲ့ခင်ဗျ။ အဲ့ဒီထောင်နှစ်ခုမှာ ကိုမင်းကိုနိုင်နေခဲ့ရတဲ့ ထောင်နှစ်ခုမှာ ဘယ်လိုမျိုး အခြေ အနေ ဘယ်လိုမျိုး တူညီမှု၊ မတူညီမှု ဘာတွေရှိမယ် ဆိုရင်ကော ကိုမင်းကိုနိုင်ဘာကို ပြောမလဲမသိဘူး။
ကိုမင်းကိုနိုင်။ ။ ထောင်နှစ်ခုမှာ ကွာဟတာကတော့ ထူးထူးခြားခြားတော့ မဟုတ်ပါဘူးဗျာ။ တခုရှိတာကတော့ အဲ့ဒီအချိန်တုန်းက ထောင်တွေမှာ အင်းစိန်ထောင်မှာ ဆိုရင် အထူးဆောင်ထဲမှာ ဟို ထောက်လှမ်းရေးတွေဟာ ကျနော်တို့ အကျဉ်းဦစီး ယူနီဖောင်းတွေ ဝတ်ပြီးတော့ ၂၄ နာရီ ပတ်လုံး ပတ်ချာလည် ရှိနေပါတယ်။ စစ်တွေထောင် ကို ရောက်သွားတဲ့ အခါမှာတော့ အဲ့လိုမျိုး မရှိတော့ဘူးပေါ့ခင်ဗျာ။ ကိုယ့်ရဲ့ မျက်စိ ရှေ့မှာ နားရှေ့မှာတော့ မတွေ့တော့ ဘူးပေါ့ဗျာ။ အဓိက အပြောင်းအလဲကတော့ ဒါပဲလို့ ပြောကြပါစို့ဗျာ။
ကိုမိုးအေး။ ။ ဟုတ်ကဲ့ခင်ဗျ။ ဒီ ၁၆ နှစ်တာမှာ ကိုမင်းကိုနိုင် တယောက်တည်းနေခဲ့ရတယ်ဆိုတော့ ပြင်ပ ကမBာကြီးနဲ့ အဆက်အသွယ် ပြတ်တယ် ဆိုတော့ အပြင်မှာ ဘာတွေ ဖြစ်ပျက်နေတယ် ဆိုတဲ့ သတင်းတွေကော ဘယ်လို မျိုး သိခဲ့တယ်၊ မသိခဲ့ဘူး အဲ့ဒါကို ပြောလို့ရမလား။
ကိုမင်းကိုနိုင်။ ။ အဲ့ဒါတော့ ကျနော်တို့ ထောင်ထဲက ပြန်ထွက်လာကြရတဲ့ ရဲဘော်တွေကြားထဲမှာ စကားလေး တခု ရှိတယ်ဗျ။ အဲ့ဒါကတော့ ဘယ်လိုလဲ ဆိုလို့ရှိရင်တော့ ထောင်ဝင်စာ လာလို့ရှိရင် အမြဲတမ်း ပြောကြတယ်။ စားဖို့ ဟင်း မပါရင်နေပါစေ၊ သတင်းပေးပါ။ ဟင်းငတ်တာ အရေးမကြီးဘူး၊ သတင်းငတ်တာ ပြဿနာ ဖြစ်တယ်လို့၊ အဲ့လိုမျိုး ပြောကြတာ ရှိတယ်ဗျ။ အဲ့ဒါနဲ့ ထောင်ထဲက လူတွေက ဘာကြားကြသလဲ ဆိုရင်တဲ့ ရာဇလီလာမယ်၊ ရာဇလီလာမယ် ဆိုတာကို ကြားခဲ့ရတယ်ဗျ။ အဲ့တော့ ရာဇလီလာရင် ဘာဖြစ်မလဲလို့ ပြန်မေးတဲ့အခါမှာ ရာဇလီ လာရင်တော့ထူး မယ်၊ ဒီလိုပဲ ပြောကြပါတယ်တဲ့။ အဲ့လိုနဲ့ စောင့်ရင်းစောင့်ရင်းနဲ့ နောက်ဆုံးတော့ ကြာပြီဆိုတဲ့အခါမှာ ရာဇလီလာပြီ လို့ ပြောကြပါတယ် ခင်ဗျ။ ရာဇလီလာရင် ဘာဖြစ်လဲဆိုတော့ ရာဇလီ လာရင် ထူးမယ် ဆိုပြီးတော့ အော်ကြရပြန် တယ်။ အဲ့တာနဲ့ စောင့်စားရင်း စောင့်စားရင်းနဲ့ ရာဇလီ ပြန်ရင် ထူးမယ်လို့ ပြောကြပြန်တယ်။ ဒါနဲ့ စောင့်စားရင်း စောင့်စားရင်းနဲ့ ရာဇလီပြန်ပြီလို့ ကြားပြန်တယ်။ ရာဇလီပြန်ပြီ ဆိုတဲ့အခါမှာ ထူးလား ဆိုတော့ ရာဇလီ ဟိုကို ရောက်သွားရင် ထူးမယ်လို့ ပြောကြပြန်တယ်တဲ့။ အဲ့ဒါနဲ့ ရာဇလီ ပြန်သွားပြီးတဲ့ အခါမှာ ထူးလားဆိုတော့ မထူးပါဘူး တဲ့၊ မထူးပါဘူး ဆိုပြီးတော့ ပြန်စောင့်နေကြပြန်တယ်။ အဲ့ဒါနဲ့နောက်တခါ မေ့လောက်ပြီ ဆိုတဲ့အခါကျတော့ ရာဇလီ လာမယ် ဆိုပြီးတော့ ပြန်လာပြန်ပါတယ် တဲ့။ အဲ့ဒီ သံသရာကြီးပဲ လည်နေတာပါပဲခင်ဗျာ။
ကိုမိုးအေး။ ။ အဲ့တော့ မစ္စတာရာဇလီ မစ္စတာရာဇလီ ဆိုတာ ဘာကြောင့် လာတာတွေဘာတွေကော ကိုမင်းကိုနိုင် ဘယ်လိုမျိုး သိထားလဲ၊ အထဲမှာ။ ထောင်ထဲမှာ နေတုန်းကလေ။
ကိုမင်းကိုနိုင်။ ။ အော် ဒီလိုပေါ့ဗျာ။ ကျနော်အခုမှလည်း လိုက်ပြီးတော့ မေးရတာပေါ့ဗျာ။ သူရောက်လာမှာ နဲ့ ပတ်သက်ပြီးတော့ ကျနော်အခုမှ လိုက်ပြီးတော့ သေသေချာချာ မေးမြန်းတော့ သူက ကုလသမဂ္ဂရဲ့ ကိုယ်စားလှယ် တဦးဖြစ်တယ် ဆိုတာကို သိရတယ်ခင်ဗျ။ ဆိုလိုတာကတော့ သူကတော့ စေ့စပ် ညှိနှိုင်းဆွေးနွေးဖို့ အတွက် လွှတ်လိုက် တယ်၊ သူဟာ ကြားကနေပြီးတော့ စေ့စပ်ဖြန်ဖြေပေးဖို့၊ ရင်ကြား စေ့ပေးဖို့အတွက် ကုလသမဂ္ဂ ကိုယ်စားလှယ်တ ယောက်အနေနဲ့ လွှတ်လိုက်တယ်လို့ အဲ့လိုကြားရတယ်။ ကြားရပြီးတဲ့အချိန်မှာ အာဏာပိုင် အဖွဲ့စည်းတွေက ရာဇ လီကိုတော့ ကြိုက်တယ်။ နှစ်သက်တယ်။ ရာဇလီကို ကြိုဆိုပြီးတော့ လက်ခံတွေ့ဆုံကြတယ်။ ရာဇလီကလည်း ရောက်လာပြီးတော့ အားတက်သရော ကြိုးပမ်းတယ်ပေါ့ဗျာ။ ဒါပေမယ့် ဘယ်လို အရာ ထင်ခဲ့တယ် မထင်ခဲ့ဘူးဆိုတာ ကျနော် အခုမှ လိုက်မေးရအုံးမယ်ခင်ဗျ။ ကျနော် သေချာမသိခဲ့ဘူးဗျ။ ဟို ထောင်ထဲမှာ နေခဲ့ရတဲ့ အများစုရဲ့ ဘဝက တော့ မစ္စတာ ရာဇလီလာမယ်။ မစ္စတာ ရာဇလီလာပြီ၊ မစ္စတာ ရာဇလီ ပြန်သွားပြီ အဲ့ဒီ သုံးခုနဲ့ပဲ ချာလပတ်လည် ခဲ့တာပါခင်ဗျ။ ဂျာအေး သူ့အမေ ရိုက်နေခဲ့တာပါပဲ။ ဒီလောက်ပါပဲ ခင်ဗျ။ ကျနော်နားလည်ခဲ့တာကတော့။
ကိုမိုးအေး။ ။ ဟုတ်ကဲ့ခင်ဗျ။ ကိုမင်းကိုနိုင် ဒီပဲယင်း ဖြစ်ရပ်ကြီးကော ထောင်ထဲမှာ ကြားခဲ့ရလာခင်ဗျ၊ ဒေါ်အောင်ဆန်းစုကြည် ယာဉ်တန်းကို ရိုက်တာ။
ကိုမင်းကိုနိုင်။ ။ ဒီပဲယင်း၊ ဒီပဲယင်း ဆိုတာကတော့ဗျာ အဲ့ဒီအချိန်မှာ ဘာလဲ၊ ဒီပဲယင်းဆိုတာ မဟာဗန္ဓုလ ဖြစ်လာမယ့် မောင်ရစ်ရှိတဲ့ နေရာလား၊ အဲ့နေရာကြီးမှာ မောင်ရစ်ရဲ့ အဲ စစ်သူကြီး မဟာဗန္ဓုလရဲ့ ရုပ်တုကြီး စိုက်လိုက်ပြီလား အဲ့ဒါကြီးထင်မှာပေါ့ဗျ။ ဘယ်လို လုပ်ပြီးတော့ ကျနော်တို့ ဘဝ သိနိုင်မလဲဗျာ။ အခု အပြင်ကျမှ ကျနော် လိုက်မေးနေရပါတယ်။ အဲ့လောက် ဖြစ်နေတယ်ဗျ၊ ကျနော့် အနေအထားက။
ကိုမိုးအေး။ ။ ကျနော်တို့ သိသလောက်ဆိုရင် ကိုမင်းကိုနိုင် နိုင်ငံရေးမှာတင် စောစောကပြောသလို ကိုယ်ကျိုး စွန့်လုပ်ခဲ့တာ မဟုတ်ပဲနဲ့ လုပ်ခဲ့တာတင် မကဘူးပေါ့လေ၊ တဖက်အနုပညာမှာလည်း သင်္ကြန်သံချပ်တွေမှာ သံချပ် တွေစပ်တာ စသဖြင့်ပေါ့လေ။ အဲ့ဒီတော့ ထောင်ထဲမှာကော သင်္ကြန်ကာလတွေမှာ ကိုမင်းကိုနိုင် ဘယ်လိုဖြစ်ခဲ့လဲ မသိဘူးခင်ဗျ။
ကိုမင်းကိုနိုင်။ ။ အော် သင်္ကြန်ရောက်ပြီ ဆိုရင်တော့ သင်္ကြန်သံချပ်ထိုးတဲ့ ကားတွေကို ကျနော် သတိရမိတာပေါ့ ဗျာ။ အဲ့ဒါလေးကို ကြည့်ပြီးတော့ပဲ ဖြေရတာပေါ့ဗျာ။ အညောင်း ဖြေရာတာပေါ့ အဲ့လို စိတ်အပန်းဖြေရတဲ့အခါကျ တော့ ဟို သင်္ကြန် သံချပ်ကား တခုကို သတိရတယ်ဗျ။ ဟို သူတို့ သံချပ်အဖွဲ့က မဏ္ဍပ်တခုထဲကို ဝင်လာတယ်ဗျာ။ မဏ္ဍပ်မှာ ပရိတ်သတ်တွေက စင်ရဲ့ လက်ဝဲဘက် လက်ယာဘက်မှာ အပြည့်ရှိပါတယ်။ ပြီးတဲ့အခါကျတော့ ဇာတ်စင် ရဲ့ ရှေ့ဘက်မှာကတော့ ဒိုင်ဖြတ် အမှတ်ပေး အဖွဲ့တွေ ရှိတယ်ပေါ့ခင်ဗျ။ အဲ့ဒါသူတို့ကားက ဇာတ်စင်ရဲ့ နောက်မှာ နေရာ ယူပြီးတော့ ထိုးစိုက်လိုက်ပါတယ်။ အဲ အဲ့ဒီအချိန်မှာ ဇာတ်စင်ပေါ်ကို ကျနော်တို့ ကားပေါ်ကနေပြီးတော့ အင်မတန် သေသေသပ်သပ် ခမ်းခမ်းနားနားနဲ့ ဝတ်ဆင်ထားတဲ့ လူပုဂ္ဂိုလ် တယောက် တက်လာပါတယ်။ သူဟာ ဆိုလို့ရှိရင် ရှေးမြန်မာကြီးများ ဝတ်လေ့ရှိတဲ့ ရင်းဖုံး ပိုးစွဲ ကတီပါနဲ့ ချုပ်ထားတဲ့ ရင်ဖုံးအင်္ကျီ၊ အချိတ် တောင်ရှည်ပုဆိုး နောက်ပြီးတော့ မောင့်ကျက်သရေ ခေါင်းပေါင်းကြီးနဲ့ပေါ့ဗျာ စင်ပေါ်ကို သူက ဇာတ်စင်ရဲ့ နောက်ဘက်က နေပြီး တော့ တက်လာပါတယ်၊ ကျနော်တို့ ဇာတ်စင် ရှေ့ဘက်က ဒိုင်လူကြီးတွေကတော့ ဒါ ဟုတ်ပြီပေါ့ အင်မတန်မှ ခမ်းနားတဲ့ ဝတ်စား ဆင်ယင်မှုကြီးနဲ့ ကျကျနနကြီး တက်လာပြီလို့ ကြည့်နေတယ်ခင်ဗျ၊၊ အားလုံးကလည်း ငြိမ်ပြီး ကြည့်နေတယ် ဒါတော့ ဘာလုပ်မလဲ။ သူက စင်နောက်ဘက်ကနေ တက်လာတဲ့အခါမှာ နောက်နားဘက်က ပရိသက်တွေက တခစ်ခစ်နဲ့ ရယ်ကြတယ်ခင်ဗျ။ ရယ်ကြတဲ့အခါမှာ သူက ဘေးဘီကိုလှည့်ကြည့်ပြီးတော့ ဘာရယ်တာလဲ အဓိပ္ပာယ် မရှိတာ ဆိုတဲ့ မျက်နှာနဲ့ သူက ဘေးဘက်ကို လှည့်လှည့်ကြတယ်ခင်ဗျ။ အဲ့လို လှည့်ကြီး ပြီးတော့ စင်ရဲ့ရှေ့ကို ရောက်လာလေလေ၊ ဘေးက အတွင်းပိုင်းကျတဲ့ ပရိတ်သတ်တွေက ဝါးခနဲ ဝါးခနဲ ရယ်လေလေ။ အဲ့ဒီတော့သူကလည် ဘုကြည့်ပြန်ပြီးတော့ လှည့်ကြည့်လေလေ၊ အဲ့လိုဖြစ်နေတာပေါ့ခင်ဗျ၊ အဲ့လို ဖြစ်နေတော့ ကျနော်တို့ ဇာတ်စင်ရှေ့ဘက်မှာရှိတဲ့ ဒိုင်လူကြီးတွေက ဒါကို သူတို့လည်း ဒိုင်လူကြီးတွေ ဘယ်လိုမှ နားမလည် ဘူးခင်ဗျ။ ဇာတ်စင်ဘေးမှာ ရှိနေတဲ့ ပရိတ်သက်တွေ ဘာလို့ တသောသော ရယ်နေလဲ သူတို့နားမလည်ဘူး။ အဲ့တော့ ခုနက အကျအန ဝတ်စားထားတဲ့ ပုဂ္ဂိုလ်ကြီးကနေပြီးတော့ ဇာတ်စင် ဘေးနှက်ဖက်ကို ဘာရယ်တာလဲ အဓိပ္ပာယ် မရှိဘူး ဆိုတဲ့ အကြည့်နဲ့ကြည့်တယ်။ ဒီလိုကြည့်လာတော့ နောက်ဆုံးတော့ ဘေးကပရိသတ်တွေက တသောသောနဲ့ ပွဲကျအောင် ရယ်ကျရောခင်ဗျ။ အဲ့ဒိအခါမှ ဒိုင်လူကြီးတွေကလည်း ဘယ်လိုမှ နားမလည်ဘူး။ ကြည့်နေကော၊ ကြည့်နေတဲ့အခါကျတော့ ဟိုလူက နှုတ်ခွန်းဆက် စကားကိုတောင်မှ မပြောဖြစ်တော့ပဲ ဒီလောက် တောင်မှ အဓိပ္ပာယ် မရှိ ရယ်နေတဲ့ ပရိတ်သတ်တွေတော့ ဘယ်လိုနည်းနဲ့မှ မပြိုင်ဘူးကွာ၊ ဒီမဏ္ဍပ်မှာတော့ မပြိုင်ဘူး ကွ ဆိုပြီးတော့ အမူအယာမျက်နှာပေးနဲ့ စင်ပေါ်ကနေ ချာကနဲလှည့်ပြီတော့ အောက်ကို ထွက်သွားတယ်။ အဲ့လို့ လှည့်လိုက်တဲ့အချိန်မှာ ဇာတ်စင်ရဲ့ ရှေ့ဘက်မှာရှိတဲ့ အကဲဖြတ်တွေက သိလိုက်ရပါတယ်တဲ့ခင်ဗျ။ ဘာဖြစ်လို့လဲ ဆိုတော့ သူရဲ့ ကျောဘက်မှာ အင်္ကျီ ဗလာ၊ ပုဆိုးလည်း သူ့မှာ မရှိ၊ ပြဲစုတ်နေပြီးတော့ ခါတောင်းကို မြှောင်အောင် ကျိုက်ပြီးတော့၊ ရှေ့ဘက်ကိုပဲ လှအောင်လုပ်လာတဲ့ ပုဂ္ဂိုလ်ကြီးကိုခင်ဗျ။ အဲ့ဒီ ပုဂ္ဂိုလ်ကြီးက အောက်ဆင်းသွားတဲ့ အခါကျမှ သူတို့ဖျော်ဖြေမှု အခန်းကဏ္ဍက အဲ့ဒီမှာ စတယ်လို့ သိလိုက်ရပါတယ်။ ကျနော်အဲ့ဒါလေးကို သတိရပြီးတော့ ကျနော့်မှာ ပြုံးနေရတာပေါ့ဗျ။ အဲ့ဒါဟာ ခေတ် အဆက်ဆက်မှာ ရှိခဲ့တဲ့ ပျက်လုံးလား ဟုတ်လား မဟုတ်လားဆိုတာ ကျနော်တွေးပြီးတော့ သင်္ကြန်တွင်း ကာလတွေကို ထောင်ထဲမှာ အချိန် ကုန်ခဲ့ရပါတယ်။
ကိုမိုးအေး။ ။ ဟုတ်ကဲ့ခင်ဗျ၊ ကိုမင်းကိုနိုင် အခု ပြန်လွတ်လာတယ် ဆိုတော့ ကျနော်တို့ သိသလောက်ဆိုရင် ထောက်လှမ်းရေးရဲ့ အမျိုးသား ထောက်လှမ်းရေးရဲ့ မတရားဖမ်းဆီးမှုကို ပြန်လွှတ်ပေးတယ် ဆိုတဲ့ ကြေညာချက်နဲ့ သူတို့ ပြန်လွှတ်ပေးတယ်ပေါ့လေ၊ အမျိုးသား ထောက်လှမ်းရေးကိုလည်း သူတို့ ဖျက်သိမ်းလိုက်ပြီ ဆိုတော့ ကိုမင်းကိုနိုင်ကို ဖမ်းတော့ ထောက်လှမ်းရေး ဆိုတော့ ဒီအပေါ်မှာ ကိုမင်းကိုနိုင် ဘယ်လိုမျိုး မြင်လဲခင်ဗျ။
ကိုမင်းကိုနိုင်။ ။ ကြေညာချက်အရ ဆိုလို့ ရှိရင်တော့ ဒါကတော့ အမှန်တရားနဲ့ တော်တော်လေးကို အတတ်နိုင် ဆုံး နီးစပ်အောင် သူတို့ကြိုးစားပြီးတော့ ကြေညာပေးထားတဲ့ ကြေညာချက်ပဲခင်ဗျ။ ဒါကတော့ အတတ်နိုင်ဆုံး ပျော့ပျော့ ပြောင်းပြောင်းနဲ့ဖြစ်အောင် ဟို ယုတ္တိယုတ္တာလေးလည်း မှန်မှန်ကန်ကန် ရှိအောင် ဒီလို ကြေညာပေးတယ်လို့ ကျနော် ယူဆပါတယ်။ ဆိုတော့ ဒီလမ်းစဉ်အောက်မှာ လွတ်လာတဲ့ လူတွေ အဖို့လည်း အမှန်တရားနဲ့ နီးစပ်ပြီးတော့ ကျနော် တို့ ဖြောင့်ဖြောင့်မတ်မတ် ထွက်လို့ ကောင်းတယ်ပေါ့ခင်ဗျာ၊ အထွက်ကောင်း လို့ပဲ ကျနော် ပြောချင်ပါတယ်။
ဆက်သွယ်မေးမြန်းချက် ပထမပိုင်းဖြစ်ပါတယ်။
Subscribe to:
Post Comments (Atom)
No comments:
Post a Comment